香港文匯報訊（記者 子棠）吳若希（Jinny）於本周六（31日）在澳門舉行《Gossip of Me》演唱會，並透露澳門站的演出將花心思行Catwalk，希望行出女神風采！近日Jinny把握時間到band房練歌，她非常期待在音樂總監梁榮智的巧手編曲、以及製作團隊細意安排下，屆時讓所有觀眾能感受和欣賞到他們的那份用心。

Jinny表示：「仲有幾日就要喺澳門開show，既緊張又焦慮，因為最近新冠病毒真係好勁。今日綵排嘅歌已經預備好，但係我覺得自己未Ready，好緊張呀，我一陣就會去睇中醫，針一針灸自己嘅喉嚨，等自己把聲可以去到最好嘅狀態，先至可以表現到最Perfect畀大家聽。」她續指，今次是首次在這個場地開唱，專誠提前到場地視察，感覺站在台上與觀眾的距離有多近，並嘗試站上Catwalk台：「因為我花咗好多心機去行Catwalk，希望行出嚟有『女神風』，唔知道到時台前會唔會準備咗風扇，吹住我等我有女神嘅髮型？」