香港文匯報訊（記者 子棠）資深歌手兼演員蔣麗萍（Agnes）於11歲參加《聲寶之夜》並獲得特別獎，因此得到著名音樂人鮑培莉賞識，1980年代與寶麗金唱片簽約後，迅速走紅；日前她在新城廣播的節目訪問中，娓娓道出其多姿多彩的演藝生涯，包括與張國榮（哥哥）、劉德華（華仔）及梅艷芳（阿梅）等巨星的合作回憶。

談及圈中的難忘經歷，Agnes憶述一次拍戲，遭張國榮及劉德華整蠱，「劉德華同張國榮嗰時候根本就係『頑皮仔』，好怕佢哋兩個一齊出動，佢哋最鍾意喺在片場搞搞震，撩吓你，又蝦吓你，可能我個樣斯文，好啱佢哋蝦。」除了兩個「頑皮仔」，Agnes也分享了與梅艷芳的深厚友誼，兩人因拍攝劇集《香江花月夜》結緣，她形容當時與梅艷芳、景黛音情同姐妹：「我哋三個女仔差唔多時期出道，真係好好朋友，每晚收工仲會一齊食宵夜，阿梅最鍾意食日本菜。」Agnes於1988年結婚後選擇急流勇退，轉戰商界，「有時候會諗，如果當年繼續留喺娛樂圈，現在會係點樣呢？」但隨即表示對自己的人生選擇無悔。