丘嘉滎

文家良馬房連贏三期，今期雖然出馬唔多，但一對五班馬都頗有份量，「銳高」曾於四班上名，惟韁口敏感容易出錯，而較多賽績證明應該係第二場嘅「進優自在」。

馬匹季初多次因為蝕形勢而未能勝出，季中又一再遇到「帝豪歡星」等其他惡馬，「進優自在」喺五班有微利多次走近可惜對手太強，所以馬匹上仗轉跑泥地一哩換批對手，跑第四名不過不失，好在頭馬「大利好運」升班都入Q水準唔錯，既然「進優自在」增程唔得不如試吓縮程搏級數搭夠，馬匹一早喺四月尾拎咗保護權，但等到今期谷草五班千二拆組先報名，擺明吼對手大幅轉弱，而且季尾「進優自在」仲試大閘準備充足，加上排2檔容易跟前守好位，希望乘馬房旺勢幫馬匹交代啦！