香港文匯報訊（記者 阿祖）鄭秀文（Sammi）前晚（16日）於澳門舉行第四場「You & Mi鄭秀文澳門演唱會2025」，全場座無虛席。獲世界各地歌迷捧場，Sammi表示十分感動。

Sammi表示：「我覺得我年紀大咗，希望能夠將咁大嘅舞台，同一啲比較新晉嘅歌手，或者我自己覺得好欣賞嘅歌手分享。」Sammi特別邀請洪嘉豪同台合唱《不要驚動愛情》，並點唱其熱門歌曲《黑玻璃》。洪嘉豪感動地表示：「收到Sammi邀請時既驚訝又榮幸，這對我們這輩歌手是莫大的肯定。」Sammi則大讚：「絕對係一個肯定，洪嘉豪係一位相當有實力嘅歌手，你去年首歌咁高點擊率，相當出色。」

前晚現場眾非常熱情，Sammi與24HERBS和Matt Force演繹《愛是》《愛是2.0》和《罪與罰》，以及與Rapper KALAI演唱《信者得愛》時，觀眾湧到台前吶喊和跳舞，氣氛高漲。演唱會尾聲，全場大叫Encore，Sammi化身「DJ Mi」打碟獻唱《煞科》，全場high爆！之後邊繞場邊唱《我們都是這樣長大的》，有歌迷將繡了一對「Mi」字樣的紅色Bra掟上台，全場「O咀」！Sammi見狀執起並高舉調侃道：「呢個杯好大喎！」Sammi一邊唱歌一邊將Bra拼上身，又笑說：「你係咪想潤我呀？買個咁大嘅。」她還將它當眼罩逗樂全場。