（有片）鄭秀文洪嘉豪合唱《不要驚動愛情》 Sammi笑接粉絲「巨杯」禮物

香港文匯報訊（記者 阿祖）鄭秀文（Sammi)昨晚（16日）於澳門舉行第四場「You & Mi鄭秀文澳門演唱會2025」，全場爆滿，來自世界各地歌迷捧場，Sammi表示感動。特別嘉賓洪嘉豪坦言收到Sammi邀請，加上被點唱《黑玻璃》時，感到受寵若驚。不過最大驚喜可說是有歌迷掟出一個紅色bra上台，Sammi高舉笑指太大。

Sammi說：「今次我邀請嘅嘉賓都比較包羅萬有，有啲熟悉嘅面孔，有啲來自樂壇比較新嘅歌手。我覺得我年紀大咗，喺舞台上除咗自己嘅表演之外，仲有一份使命感，希望能夠將咁大嘅舞台，同一啲比較新晉嘅歌手，或者我自己覺得好欣賞嘅歌手，分享呢個舞台。」然後唱出《不要驚動愛情》，嘉賓洪嘉豪升上舞台，手拖手合唱，觀眾驚喜尖叫。

之後，Sammi坦言私心想聽洪嘉豪現場演唱《黑玻璃》，洪嘉豪說：「當我收到Sammi嘅邀請，最驚訝係Sammi識我？有聽我嘅歌？仲要指定要唱呢隻歌？我哋呢輩嘅歌手有時都會迷惘，收到Sammi邀請，覺得係一個肯定和榮幸。」Sammi說：「絕對係一個肯定，洪嘉豪係一位相當有實力嘅歌手，你去年首歌咁高點擊率、咁多人鍾意，一定有佢嘅道理，你唱都相當出色。」

昨晚現場眾非常熱情，Sammi與24HERBS和Matt Force演繹《愛是》、《愛是2.0》和《罪與罰》，以及與Rapper KALAI演唱《信者得愛》時，觀眾湧到台前，吶喊和跳舞，氣氛高漲。演唱會尾聲，全場大叫Encore，Sammi化身「DJMi」一邊打碟一邊唱《煞科》，全場high爆！之後繞場邊唱《我們都是這樣在大的》，歌迷紛紛送她毛公仔和花，期間有人從觀眾席掟了一個紅色Bra上台，上面更繡了一對「Mi」字，全場「0咀」！Sammi見狀執起並高舉大笑說：「呢個杯好大喎！」一邊唱歌一邊將Bra拚上身，又笑說：「你係咪想潤我呀？買個咁大嘅。」她還將它當眼罩，非常搞笑。最後Sammi說：「呢首歌充滿正能量，歌名好適合送畀每一位，送畀你哋《終身美麗》。」全場大合唱下演出圓滿結束。