香港文匯報訊（記者 梁靜儀）林保怡、陳法蓉、張振朗、曹永廉、傅嘉莉、陳自瑤、吳業坤、戴祖儀主演力的懸疑奇情查案劇集《刑偵12》，將於下周一（19日）播出，昨日釋出一系列宣傳預告、短片及照片，宣傳預告開頭，隨着一把神秘女聲說出：「好耐冇見喇，阿風（林保怡劇情角色為丁洛風）」，緊接即是一連串林保怡埋首查案鏡頭、及慌亂和悲慟表情特寫，相當有戲。之後在一輪官能刺激的動作、駁火、爆破、火燒及墮樓場面後，鏡頭出現張振朗超詭異奸笑特寫及被制服的畫面，並緊接林保怡獨白：「你最好盡快搵證據證明你自己係無辜」，塑造出一種正邪對立的超強緊張感，令人期待。

預告片中曝光的動作場面相當有睇頭，除了爆破場面像真度高，其中一幕林保怡在熊熊火海中緊抱着陳自瑤、再齊齊跌落下一層樓的鏡頭，畫面特別震撼。劇集總監製鍾澍佳透露劇組早於度劇本時，已構思好所有特效場面，並花了不少時間尋找配合度高的拍攝場地：「我哋喺搵景度都用咗唔少時間，因為我哋要搵到一個有咁大個窿嘅空置地方拍攝，先可以做到火海場口呢個跌落去嘅效果；其實啲沙石同埋火海都係電腦特效，現場拍嗰陣係完全冇點過火，所以演員要完全靠想像去演，都考佢哋功力。今次嘅電腦特效都係盡量追求像真，希望令家庭觀眾有全新嘅官能體驗。」

另外，相隔 13年回歸TVB拍劇的林保怡，可謂相當「唔錫身」，除了與張松枝的動作場面，張松枝向他揮刀的畫面，刀尖距離相當接近，林保怡又有不少被「炸飛出去」的場面，多個動作場面均是親身上陣，即使拍攝期間不少觸發右膊頭舊患、仍忍痛繼續開工以免影響大局。