【地表最強】精英雄心路有專長

兆　文

第七場廖康銘馬房的「精英雄心」上季來港極速適應，一再交出可人追勢，去到最後一戰，首度出戰泥地立即勝出。今季初主攻泥地，首戰千二路短也上名，然而翌仗同程可能跟得太急，十六蚊大熱慘遭滑鐵盧，第三仗換人布文接手，不負所託順利補中，就算之後兩戰未能再贏，同樣排大外檔而拚獲亞季軍雖敗猶榮。

而經過三仗草地敗陣，「精英雄心」今仗終於重返泥地首本戲，同時回配布文這位最佳拍檔，而為了搏殺順順利利，刻意抖夠儲足火力，大閘也試夠兩次，備戰積極。

第九場姚本輝馬房的「魅影戈飛」初出一役排八檔，起步唔快繼而受阻，唯有留前鬥後，結果直路上愈走愈起勁，最後拚入Q腳，只負於大超級的「跨境寶馬」不足一個馬位。前仗「魅影戈飛」只得梗頸四，落敗關鍵是排外檔起步，鞍上人周俊樂選擇愈縮愈後，自陷不利形勢，相對同場三甲馬「幸運星球」、「快樂高球」及「拍馬難追」一早擺前走，可謂蝕盡形勢。

上仗改配艾兆禮繼續排大外檔，騎者來一招先發制人，刻意搶前唔再留後，雖然速度及不「精益大師」，不過沿途留守第二位跑得順暢，入直路反應極佳。高質馬升班無阻力，且最近試多課閘神閒氣定，勇熟程度再進一步，放心追捧。