馬來西亞電影《OMG！阿媽有喜》中，袁詠儀（靚靚）飾演高齡產婦，她笑言若真的發生她也沒所謂，不過兒子「魔童」已經18歲，她快有機會做阿嫲，她反而會提醒兒子同女仔要慢慢講、要氹，應先放眼世界，因為當父母真的責任重大，不能兒戲。

採、攝：香港文匯報記者 阿祖

場地提供：MCL K11 ArtHouse

談及接拍原因，靚靚表示被題材吸引，認為高齡產婦或者現世代越來越遲婚現象已全球普遍，加上劇本又肯多次修改好有誠意。雖然導演以拍廣告和短片為主，戲中對手雖然自己不太認識，但在馬來西亞頗具知名度，這種新組合反而讓她期待突破既往形象。拍攝過程中她完全放手，因此整個拍攝過程很愉快。

記者指若靚靚現在懷孕確屬高齡產婦，她笑言：「我不介意，因為我本身喜歡小孩，但這個年紀生需要周全計劃。養育責任重大，我兒子已18歲，我都告訴他今後的人生要自己走。若我現在有孩子，我都希望能陪伴小朋友到18歲。」

至於現實中她與「魔童」有沒有代溝？靚靚坦白：「點會冇呀，梗係有啦！我已經盡量扮後生，爭在未喺屋企着短裙，佢一yo我就yo，阿仔會話『你做咩呀』，我每日一返屋企就大聲講Hello，阿仔就好cool答我『OK』，其實感覺好得意，但你係要咁溝通囉！」老公張智霖（Chilam）又是否跟到阿仔的步伐？靚靚沒好氣說：「佢除了白髮同鬚根顯年齡外，思想完全跟得上年輕人，我常說不過他們父子倆。」兩父子感情特別好？靚靚承認的確如此，初時亦會妒忌，不過老公的寬鬆教育正好平衡自己的嚴格。到有時想知兒子的事情，唯有套老公口風。Chilam做晒好人角色？靚靚慨嘆說：「佢出世嗰日開始就做好人冇做過壞人！」提到她真大犧牲，母愛總是偉大？靚靚說：「總要有個人守住底線。」

笑黃潔琪太「宅」難脫單

至於戲中「阿女」黃潔琪（Miko ）有一姐一妹，拍這部戲時導演都叫她幻想自己媽媽突然懷孕，她笑指真的發生第一時間會接受不到，會擔心阿媽辛苦。靚靚讚她都幾乖女，只是比較「宅」了一點，她答謂平日夠鐘就會回家吃飯和放狗。靚靚又隨即問Miko有否拍拖？Miko表示暫時未有，靚靚取笑她說：「我睇你都幾難，咁『宅』！」Miko開玩笑說：「除非有個人夾硬入我屋企識我啦！」Miko笑認父母比較嚴肅和傳統，靚靚則借機強調溝通的重要性：「像戲裏演的，親子間需要真誠對話。很多隔閡源於不敢開口或怕對方不理解，但只要願意坐下來好好談，情況就會不同。」