由導演火火、吳若希（Jinny）及曾展望（GM）三位谷主主持《奇情谷》，昨晚（28日）主題「離婚後的二次人生」，並請來現年33歲李蘊（Renee）擔任嘉賓。

李藴2022年與金融才俊羅冠章結束7年婚姻，近日積極復出。Renee圈中有兩位老Best，分別是歌手G.E.M.及名媛何超蓮，昨晚超蓮phone-in節目力撐好友復出，她透過電話訪問說：「Renee係我圈中至好嘅真心閨密，人又靚又有義氣，你做主播、出歌都繼續支持你，其實呢啲說話平時都講好多。」她接住補充說：「有傾開career path點行，但係佢為咗小朋友，想陪住佢哋大，真係無乜自己嘅生活，而家出返嚟做嘢係100%支持。」她大爆Renne「缺點」就是怕麻煩人，她面對困難寧可獨自承擔，超蓮抱怨說：「好多時係件事過咗，佢只輕描淡寫講返出嚟，唔想將唔開心帶畀朋友，我同鄧小姐（G.E.M.）都好心痛佢。好似今趟叫我call-in，佢勁唔好意思，係咁話『麻煩到你』，其實有咩所謂呢？佢好多呢啲位……」Renee聞言後已哭成淚人，她哽咽說：「大家背景已經唔一樣，人哋嘅說話已經唔好聽，但我哋友誼自己知就得。」肺腑之言在場人士無不動容。