香港文匯報訊（記者 阿祖）出爐影帝劉青雲、「最佳女配角」谷祖琳及「最佳新演員」蘇文濤前晚出席《爸爸》金像獎慶功宴。青雲對今屆金像獎頗有感觸，看到導演翁子光感動到淚流滿面，也忍不住叫他不要再哭，問哪一幕令他最為感動？青雲說：「我見到衛詩雅得獎時好感動，因為認識佢好多年，但之前合作可能只有一場戲，已發覺佢係好用功、好盡力嘅女仔，今日有咁嘅成就好開心，佢台上講嗰番說話係真嘅！」

談到青雲第四度封金像影帝，還差兩次便平到梁朝偉的紀錄，會否以此為目標？青雲說：「我真係冇咁樣諗過，偉仔已經係傳奇！」記者指他只差兩次就追到？青雲笑說：「但我提名18次喎，其實冇所謂啦。獎項方面，我從來冇贏過任何一個演員，其實演員之間係應該並肩作戰，互相欣賞，唔係話你贏咗我，我贏咗你，我覺得唔係咁樣，好似今晚都好多演員都做得好好，大家都好開心，覺得現在電影係好有希望。」