睇中林家謙 楊受成親邀加盟英皇

香港文匯報訊（記者 阿祖）英皇電影《破•地獄》昨日於香港電影金像獎囊括五獎，包括最佳女主角、最佳男配角、最佳編劇、最佳原創電影歌曲及最佳原創電影音樂，英皇老闆楊受成率出爐影后衛詩雅、「最佳男配角」朱栢康、導演陳茂賢、「最佳原創電影歌曲」得獎者林家謙及周家怡等出席慶功宴，失落「影帝」的許冠文沒參與祝捷。影完大合照，衛詩雅的醫生老公周祉安也在慶功宴上，傳媒要求二人合照，周醫生兩度吻賀愛妻，衛詩雅甜笑稱像重演擺喜酒。

談到頒獎禮上，楊受成見《破·地獄》台前幕後拿獎表現得很感動？他坦言：「係好感動，做生意當然希望有獎金、又有獎品，部戲係有獎金，亦想攞多啲獎品，但比我想像中有少少失望，有一兩個大獎應該攞但攞唔到。」

因為許冠文拿不到影帝？他表示：「都冇辦法，金像獎好多評委，有人鍾意、有人唔鍾意，冇得講，我哋都要接受個結果。」對於影市低迷開戲困難，但仍無阻楊生對拍電影的熱誠，透露今年已有四五部開戲計劃，其中會否由《破·地獄》原班人馬再拍？他則表示要看導演陳茂賢主意，一切由陳導話事。

另外，楊受成在慶功宴上捉住林家謙說要簽他羅致旗下當歌手、作曲及演戲，林家謙則表示會作考慮，但因怕自己是「蝕本貨」，希望楊生要考慮清楚。楊受成倒笑說：「唔緊要呀，我蝕慣，拍十套戲一定蝕七套。」楊受成亦大爆秘密，其實今次導演陳茂賢要求林家謙來唱電影主題曲《普渡眾生》，公司曾有人反對：「因為英皇係全香港最大的唱片公司，有大把歌手如謝霆鋒、張敬軒、古巨基、李克勤，係都應該從自己公司搵，點解要搵外人呢？我話係應該畀公司嘅歌手唱，但我尊重導演決定，因為佢覺得林家謙適合唱，亦好公道。」