香港文匯報訊（記者 梁靜儀）陳展鵬與單文柔夫妻檔出席鑽飾活動，今年10月是二人結婚七周年，陳展鵬笑言無懼「七年之癢」。

陳展鵬與單文柔昨日以黑白情侶裝配襯鑽飾現身，單文柔笑言很難得可以戴上如此名貴的鑽飾，當中除有她最愛的黃鑽，還有所佩戴的鑽飾都係長條形，可以拉瘦整個人。談到今年10月便是二人結婚7周年，問到展鵬可有「七年之癢」？他對住太太大玩食字：「都唔係嗰個『 癢』，係我養大你嗰個『養』，養到你肥肥白白。」之後又讚太太身上的鑽飾好「圓」美，冧得單文柔笑個不停。

今個月19日是單文柔的35歲生日，問到她可會順道在場內揀選鑽飾做禮物？展鵬即大方叫太太去揀禮物：「你入去揀啦，不過張單寄畀你！」不過他預告到時會有驚喜，而女兒小豬比也會給他們意見，因她現時是家中的創作總監，每逢有人生日女兒就最開心，她會提議去主題樂園食飯，其實是她自己想去，而他們就要扮好驚喜。他又指與太太每日都要交戲，因女兒鬼主意多多又愛整蠱做怪，好像有時問她做完功課未，女兒做了也要扮未做，兩公婆就要扮好嬲個樣交戲。

單文柔笑言唯有當是練戲，又爆女兒前日跟他們玩角色扮演：「我扮大肚婆，老公就扮醫生，負責幫我接生，小豬比就扮護士及姐姐，抱起個BB。」問到小豬比是否好想做家姐？展鵬笑說：「佢日日嘅角色都唔同，有時話想我哋生個姐姐畀佢，讓佢可以做妹妹，咁媽咪就唔會話佢，不過今日我哋就仲未收到劇本。」

談到工作，展鵬透露5月將會拍新劇，因簽了保密協議，暫未能多作透露，只能透露都要做運動保持身形及角色反差很大，又很貼合現時的工作。問到是否扮演藝人？他就稱到時再回答大家，現時真的未能講。