元朗三屍命案│「文叔」是蕃田村原居民 逢清明重陽回村祭祖

香港文匯報訊（記者 蕭景源）元朗涉及祖孫三代的謀殺和自殺案，三名死者分是人稱「文叔」的文彥均（93歲）、其兒子文國強（69歲）及其男孫文浩朝（19歲）。據悉文叔是新田蕃田村原居民，早年曾在村內經營酒樓生意，20多年前才搬離到振興新村居住，繼續經營士多和餐廳，直至約10年前才退休。惟逢清明及重陽，文叔定必返回蕃田村參與祭祖，就算近年不良於行，亦不缺席，非常重視家族傳承。

香港文匯報記者今日（14日）專程到蕃田村了解文叔的過去。不少老村民均對文叔頗為熟悉。有老村民表示：「佢以前喺街巿嗰邊開酒樓，喺（我）好細個時，無做都好耐，幾十年......」又稱：「佢（文叔）呢度（蕃田村）冇屋，剷平咗，得塊地，除咗拜山無返嚟......」另有村民形容文叔性格固執：「死牛一邊頸」。

蕃田村村長文成立表示，他稱呼文叔為「彥哥」，按輩份他是文叔的「疏堂細佬」。文成立稱文叔搬離蕃田村後，兩人只在春秋二祭才見面：「個仔會陪佢（文叔），個孫就唔係好識，少見，少返嚟。」他坦言對文叔祖孫三代身亡感到震驚，「佢係特別啲，因為佢揸支拐杖都要上山，啲老人家都唔去，係佢特別啲，大家都知佢。」

男村民文先生則表示，他與文叔是同村兄弟，文叔早在20多年前搬離蕃田村，但每年祭祖「拜阿公」都會回村，「子孫都有一齊，感情幾好」，但近年見文叔身體大不如前，返村時要扶助行架，動作緩慢，多數在山腳等候：「拜完山會攞一份錢，佢（文國強）會幫老竇攞埋」。

文先生續指，文叔家族「喺村有啲錢，偶爾賣啲田地套現過日子」，其胞弟亦曾當過村長，惟早年已因病離世。他又稱，早前聽聞文叔因賣地問題不開心，「同村兄弟同我講，佢搞啲地，死牛一邊頸，八份都賣，係佢嗰份冇賣。」