TVB職藝員聯歡晚宴2025 阿姐聽到加人工感興奮

(香港文匯報記者 梁靜儀) TVB職藝員聯歡晚宴2025，第二場今晚於將軍澳電視廣播城一廠停車場繼續舉行，行政主席許濤、 無線總經理曾志偉及曾勵珍等多位高級行政人員及各部門主管、幕前逾二百五十位藝員出席，包括有阿姐汪明荃、蕭正楠、吳若希、龔嘉欣、劉佩玥、張馳豪、姚焯菲、何沛珈、阮浩棕及關嘉敏等出席。有份角逐視后的龔嘉欣， 在台上為自己拉票時更講到眼濕濕。

阿姐大讚盆菜宴氣氛很好，又指聽到行政主席許濤宣佈加人工都好興奮，指各位同事都好努力，希望公司士氣越來越好。對於許濤表示 過去四、五年都蝕錢，過去一年終於有錢賺，阿姐相信逆境始終會過。 問到阿姐是否全台最高薪藝人？ 阿姐笑說：「 梗係唔係啦，我工作量咁少，我ok啦。」

大打「選情告急」牌的吳若希、龔嘉欣、姚焯菲(Chantel)和張馳夾份斥資5位數準備鮑魚拉票，為大家加餸。角逐「最佳女配角」的吳若希又自嘲是部跑大使：「不過都想陪跑得靚仔啲，所以今年就連埋自己嘅師弟一齊送鮑魚，希望大家都投我哋一票，同埋大家去年都幾好，亦都搵到啲錢，希出年可以送機票抽獎。」

問到為何指自己是陪跑？吳若希就笑言因為有好多強勁的競爭對手，所以才會打定輸數。她又預告頒獎典禮當晚會性感低胸出席，笑言輸人唔輸陣，陪跑都要靚：「雖然我低胸都未必好睇，因為未試過，會低到落肚臍。」她又指收到同事即場送自己的圍巾很窩心：「其實我係直接老笠，佢唔算送，（鮑魚換頸巾交換禮物？）我哋冇賄選。」問到眾多競爭對手中，看好那位對手？她就表示希望有孕的黃翠如及蕭正楠可以齊齊上台攞男女配獎，到時可以「三喜臨門」。

龔嘉欣笑言告急只是噱頭，直言很有信心在頒獎禮各人都有好成績：「我好支持Chantel《愛·回家》主題曲，無論香港定海外都係一首洗腦歌，人人都識唱。」她又稱「男新人」及「飛躍進步男藝員」會投給Aska，因他今年在各方面也表示得相當好，對他很有信心。日前嘉欣穿上婚紗跟Aska拍MV，獲網友大讚二人合襯，她自爆穿起婚紗拍攝時，心中浮起了一句「唔知現實中我有冇呢一日呢？」又指身邊好友比她更心急，希望她早日找到幸福。她又透露MV籌備了2個月，稍後將會推出合唱版，她笑說：「我要歌影視三線發展，要向高層申請做Chantel的師妹。」

Aska就表示嘉欣是他心目中的「最佳女主角」，又笑言若不投給她會被打死。問到對獎項信心？他笑謂：「希望大家今晚食得開心，食得開心諗起我哋然後投票。」

Chantel對於被指在新西蘭獲超高學分任選大學，她澄清不是任選「三大」：「其實係考慮緊英國、美國同香港3個地方，唔係任揀大學，不過仲未有決定。」