香港文匯報訊 好人好事！有女生分享遇上暖心的士司機，指自己日前因趕時間乘搭的士，卻發現自己沒帶現金，司機亦沒有任何電子付款方法，心裏忖道「死得勁趕時間仲要去撳錢」。豈料，司機竟表示願意免費接載，「下次見到我再畀我啦」。樓主大讚司機「是天使嗎？」、「百年難得一遇勁好人的士司機」，更希望「再遇到你找返條數」。

該名女生在社交平台Threads憶述事件，並上載了照片，顯示了該名司機的的士證和車牌號碼，表示事發當日「勁趕時間上咗的士」，卻發現自己沒帶現金，但可以經電子支付方式支付車資，惟司機卻沒有任何電子支付。

樓主當時心裏忖道「勁趕時間仲要去撳錢」，於是便詢問司機哪裏有自動櫃員機，或者落車向其他人兌錢「我問佢知唔知邊度有我撳，麻煩佢等我一陣，或者落車問人同我兌100蚊cash出嚟」。豈料，司機笑笑口話「唔使啦，好小事，我車你去」。

樓主起初回絕好意，表示「搵食艱難，你等我一陣，我問吓其他人同我兌」，但司機堅持「唔緊要啦，你又唔係特登呃我，下次見到我再畀我啦」。樓主更稱司機拒絕交換電話號碼。

樓主勁感恩遇到這名的士司機，大讚「是天使嗎？呢個世代勁難得嘅好人司機，想頒個獎俾佢」，希望再遇到對方「找返條數」。帖文引起網民熱議，不少人留言稱讚該名的士司機「其實仲有好多好嘅的士司機！」、「仍然有很多敬業樂業嘅好心的士司機在香港街道每日行走」、「心地又好，記低車牌或者可以聯絡到畀返車費」、「好人有好報」。

另有網民分享類似經歷，「我都遇過好司機，無帶銀包，司機無電子支付，話無問題唔洗俾，最後要好堅持問佢拎銀行戶口先肯俾我」、「我試過朝早6點幾，屋企人打俾我話爸爸喺急症室。上咗的士先知自己身上得返張500蚊。屋企去急症室係唔跳錶。我同個司機講叫佢等我一陣，我去7仔打散。個司機好好人咁話30蚊由佢。個下心好暖」。