莫鎮賢開唱獲4女星獻舞 李樂詩被封「舞后」

香港文匯報訊（記者 子棠）莫鎮賢昨日為本周三（4日）舉行的《唱好女神》演唱會2024，聯同表演嘉賓何婉盈、文佩玲、李樂詩及「中一生」李泇霖一起綵排。

相隔3年再度開唱的莫鎮賢透露心情既興奮又緊張：「3年冇開騷點都有啲緊張，台燈聲、服裝、歌單，每樣嘢我都親力親為，除咗演唱會仲要兼顧其他工作，呢排都好繁忙。不過忙得嚟又好興奮。今次可以同四位女神一齊唱經典歌。我哋仲特地安排咗跳舞部分，早兩日先練完舞，個個都跳得好好。」

早前因不在香港未有現身記者招待會的文佩玲，笑言錯過了大日子，並說：「我同莫鎮賢識咗好耐，今次佢搵埋我唱，玩得好開心，有咩事大家都有商有量，合作得好舒服。」何婉盈最期待跳舞部分，她笑言這次是她們激罕舞蹈演出，她更負責安排女神裝：「特地夾晒相同顏色嘅歌衫，到時要做女團跳唱畀大家睇！」問到四位女神當中誰最跳得？莫鎮賢封李樂詩做舞后：「佢平時都好鍾意跳舞，又跳得好睇。」李樂詩聞言說：「我鍾意跳舞，同埋有學跳拉丁舞，所以歌嗰個部分都有啲拉丁味道，排舞師都好照顧我哋，啲舞步唔難又好有活力。」