與「前度」殘影對戲 雲浩影濕身拍MV

香港文匯報訊 雲浩影（Cloud）日前為新歌《世界多了一個陌生人》，在一間荒廢唐樓內拍攝MV，由於無人居住多年，大廈無電又無自來水，要靠發電機和樽裝食水，而且入夜後樓梯都變得陰森，Cloud更與神出鬼沒的「前度」演對手戲，實在考驗演技和膽量。

Cloud第一次在MV中彈琴，她說：「其實一直都希望自彈自唱表演呢首歌，但有部分好澎湃，唔知道只有鋼琴可唔可以演繹到當中澎湃的效果。今年嘅作品比較emo（情緒化），我本人性格都幾emo，之前幾首作品MV都要喊，今次唔使喊，拍之前同導演要求『我唔想再喊啦！』因為每次喊完都好攰。其實除咗眼淚，都可以用好多唔同嘅藝術方式去表達情緒。」

而另一幕，Cloud演繹出浴後頭腦清醒，不再沉溺在幻想，接受分手的現實，露肩上陣，弄濕頭髮和臉龐。Cloud表示當初聽到Demo時，腦海中已充滿畫面。今次MV有一位看不到樣子的「男主角」，影像若隱若現，Cloud說：「男主角喺MV中只有一個殘影。（點做對手戲？）秘訣就係睇佢唔到，導演要求我哋有距離感，所以即使有近距離嘅時候，我都要扮見佢唔到，感覺幾得意。」

在已荒廢的唐樓拍攝，Cloud坦言好多塵，但因為又天氣好，感覺不太差。MV拍到凌晨三時，終於大功告成，Cloud笑言聲音都變低沉，不過她心情大好，還唱着歌收工。