香香生日被「求婚」 家樂獲妻女探班冧爆

香港文匯報訊（記者 阿祖）HOYTV 原創劇《我愛九龍城》正式開拍，一眾演員包括岑麗香（香香）、陳家樂、敖嘉年、姚樂怡、泰臣、李尚正、古明華、李麗霞（黑妹）、盧頌恩（妹頭）等於九龍城，拍攝一場為香香劇中角色慶祝生日的戲份，其間陳家樂更向香香求婚，而最驚喜的是劇組為日前40歲生日的香香送上生日蛋糕，令香香非常感動。

現場所見，陳家樂越夜越精神，皆因老婆連詩雅（Shiga）帶同囡囡來探班，見到自己愛女，精神立時為之一振。說到向香香求婚的戲份，家樂笑言沒有回想起當年向Shiga求婚的片段：「因為劇中呢一個角色，向香香求婚嘅時候，只係理自己有幾開心，根本就冇顧及對方嘅感受，我一定唔係咁㗎囉！哈哈哈！」

而身為媽咪的姚樂怡，首場戲就要和一個10個月大的BB拍攝，她坦承覺得心很累：「雖然個BB係咁喊，見到我好似見到啲拐子婆咁，但係見到佢咁可愛，即刻諗起我囡囡細個嘅時候個樣，都好sweet。其實囡囡好黐我，連瞓覺都一齊，呢排唯有黐住爸爸先囉，之後補返數。」

另外，黑妹亦驚喜客串，她表示近年甚少參與幕前演出，所以這次的體驗亦感到非常開心：「我覺得我今次係皮膚取勝，因為我膚色好似泰妹。但係如果拍劇嘅話，客串就OK，因為我已經捱唔到夜喇。」