香港文匯報訊（記者 子棠）洪卓立（Ken）早前首次在江門舉行《The Other Planet 另一個星球》巡迴音樂會，他坦言此前未曾去過江門巡演，在演出前曾苦惱當地人會否認識他，結果音樂會開售的近三千座位爆滿，更令他意想不到是其一首塵封歌現變成求婚熱門曲！
Ken自言不善於表達自己，因此每一次巡迴都有想表達的訊息。他把過去幾年的一些想法透過歌曲展現，加上他自己親手寫下文案，放在畫面跟觀眾分享，核心思想就是希望大家不要放棄，他說：「我經歷咗唔少事，我都冇放棄，亦都一步一步咁行返上舞台，所以我都希望將呢個訊息帶畀現場觀眾。作為歌手，我自覺有責任帶出某些訊息，如珍惜、堅持、唔好令自己後悔。」
在唱最後一首歌《目前》前，他表示不知道原來大家十分喜歡這首歌，實在出乎意料：「因為首歌係好耐之前，後尾我先至知道原來有啲朋友係攞呢隻歌嚟求婚。有電台DJ仲話如果老公之前唔係用呢隻歌向佢求婚就唔成功。」引得全場爆笑。Ken笑言：「聽到我好驚，不過都算係為樂壇有少少貢獻，各位男士如果求婚嘅話，可以考慮吓用呢隻歌。」繼而他再預告下一站將於佛山舉行。
評論