入行25載 轉換方式衝事業 譚俊彥重家庭 安於留港發展

TVB視帝譚俊彥（Shaun）早年已經北上發展，現反而更傾向於留港拍劇，他解釋全因安全感及可以多陪伴家人，他認為現階段親情比賺大錢更吸引。●採、攝：梁靜儀　場地：forkers

阿Shaun表示為了演出《企業強人》的徐道明一角，事前做了很多功課盡量切合角色，不單要求瘋狂增磅，更要避開陽光回復白淨，增加書生感。劇中他飾演商界強人，只講實際及數據，但現實中身為餐廳老闆的他竟然對數字毫不精明，管數都交拍檔負責，他更自爆連網上銀行及電子支付應用程式都沒有，有時出外與朋友食完飯結賬，都要找太太幫他過數給朋友，太太就取笑他在劇中竟演得「似層層」。阿Shaun歸功於劇本及對白寫得好，並多謝監製給他空間設計角色：「做演員最重要遇到好角色，再加入自己的想法，多謝監製畀我好大空間，當然佢喺後面都有『勒』住，佢係個好監製，我未見過有監製仲早過我（到片場），我已經提早15分鐘，佢同我鬥早，我最鍾意呢啲拍檔。」今次有份演出的還有《強人》系列的陳豪、張曦雯和龔嘉欣，他指劇組都很專業，開工又守時。

在《企業強人》中，阿Shaun跟張曦雯的三秒鐘床戲成為熱話， 阿Shaun指是監製不想觀眾將焦點放在床戲上，當然太太不喜歡也是原因之一。問他身為演員狄龍之子，可覺得其父的身份對他演戲是一個「包袱」？阿Shaun說：「我細個啲人會話『你阿爸冇做大佬好耐喇』，對我幼時有好大影響，我阿爸為咗我都少演黑幫戲，到現在我的兒子，佢都會遇到咁嘅情況，我要教育佢。」

與「奶爸」陳豪啱嘴型

劇中阿Shaun跟陳豪（阿Mo）飾演的企業家角色趙愷，雙方做生意的理念完全不同，當中產生不少矛盾。對於有說今次是兩大「視帝」對決？阿Shaun並不認同：「我覺得係兩個『奶爸』，阿Mo好sweet，佢現在所有精神及時間都放在家庭上，我覺得同佢好似，除咗休息，所有時間都放喺屋企。」兩個奶爸一碰頭就有很多話題，除了演戲、家庭及小朋友的教育外，大家的嗜好亦很接近，對電子產品都很有興趣，就連龔嘉欣都插不到嘴，他也趁機叫對方早日生個B。不過他與嘉欣同樣開食店，大家也有交流生意經。

近年不少藝員都往內地定居及發展，身為視帝的阿Shaun卻反其道而行，現改為主力留港拍戲，自認是住家男的他笑說：「可能係咁，所以我哋兩個（指與阿Mo）仲喺TVB，唔向外闖，因為可以返屋企食飯，有時喺屋企附近拍戲，阿仔又可以陪我食飯。」熱愛家庭生活的他，現階段認為親情比賺大錢更吸引，尤其是見到小朋友一天一天長大，他感到背後的動力越來越強大，他笑說：「阿仔阿女越來越高，出去唔打得都睇得。」

感受TVB「入屋魔力」

入行25年的Shaun，事業與家庭美滿，手握視帝獎項，但阿Shaun對於事業未有放緩，反而仍有搏殺心態，只是方式不同：「以前搏殺可以放棄很多事去衝，我同好多TVB成長嘅同事唔同，佢哋想出去睇外面個世界，但我入行25年，試過在內地、台灣、馬來西亞及香港發展，我覺得最舒服原來係香港，而TVB嘅魔力就係入屋，好似最初入TVB見到李成昌，雖然大家唔認識，但感覺好熟絡，因為我由細睇佢（劇集）睇到大。」另一個原因令他安於留港發展是因這地方令他好有安全感：「好多時出街，都會有人同我搭訕，老婆見我哋傾得好投契，就問我同佢哋係唔係好熟，我就話其實唔識對方，以前我會好驚，但現在就感受到拍電視劇入屋帶來的好處。」阿Shaun承認得到視帝是事業上一個里程碑，以前他沒有去想下一個目標要做什麼，但現在目標好清晰，就是將歡樂帶給大家：「現在大家日子過得辛苦，就想拍多啲直接嘅喜劇，好似我睇我個女最直接嘅嘢就最好笑。」

以往予人木訥、不苟言笑的Shaun，有了家庭後亦變得健談風趣，相信家人居功不少。談到一對子女，阿Shaun就眉飛色舞，他指女兒好「宅」，平日愛看書及留在家中，就算出外旅遊也愛留在酒店，而兒子就較活躍，兩父子最愛砌LEGO，家中已有不少成品，但每次玩至少兩小時，太太見狀會吃醋，不過他想一直保持這個興趣。