香港文匯報訊（記者 梁靜儀）吳浩康（Deep）與謝曉盈（Kiri T）日前出席港鐵45周年嘉年華，二人獻唱多首歌曲炒熱全場氣氛，吸引不少家長帶同子女捧場。Deep表示想帶愛子參與，但媽媽早已安排其他活動未能同行。

他又表示近期社會經濟差，不少建築工友開工不足。提到其好友張致恆（Steven）呻開工不足，再度網上借錢，Deep稱二人未有提及這個話題：「我同Steven兩個都係男人，男人啲關係同友情，一般都係等對方有需要才開口，我就睇點樣配合。（會唔會介紹佢開工？）如果客人有興趣搵到我，我都會介紹畀佢。（你對佢有信心？）客人有興趣才介紹嘛，又唔係我請佢。」

早前遠赴澳洲街頭表演，吳浩康就表示為移民港人解「思鄉情」：「其實我係去布道會同傳教，同當地朋友傾開知道大家都有思鄉，所以即席街頭表演畀大家開心吓。有啲人話我『唔係沒錢的咩？點解咁有錢飛去澳洲做Busking？』其實係誤會，機票係人哋買畀我嘅，坦白講，我其實經濟狀況同工作狀況都已經改善咗好多，多謝大家關心。」

同場的Kiri T就話冇擔心演出下雨，仲話落雨夠浪漫適合自己的歌曲。她又稱平日去錄音室都會坐港鐵出入，但每當冇化妝就會碰見Fans。」提到演唱會舉行在即，Kiri T就話無法加場，盼在更大場地做個唱。