香港文匯報訊（記者 阿祖）肥媽（瑪俐亞）近日心肌痛不適，於昨日入醫院進行「通波仔」手術，而在動手術前，躺於病床的肥媽拍下短片並於社交平台留言：「要同大家講聲唔好意思，因為身體有啲唔舒服，陣間都要做手術，所以嚟緊呢兩星期的Live都要暫停，等我休息下，謝謝大家。」

肥媽動手術前仍相當精神，她在短片中講述自己的病況：「今日入醫院喇，𠵱家10點幾，晏啲通波仔啫，我有心臟塞，有一日心肌痛，痛到好緊要，出晒汗暈呀，再度血壓好高、氧氣好低，咁就入嚟啦，𠵱家醫生話要做手術，大家唔好擔心。」肥媽指自己拍片是想告訴大家未來兩星期所有網上Live節目均要暫停，她應承觀眾會盡快康復：「我好返先好冇？我做完手術，唞吓先，然後再同大家見面，唔好意思！」