客串短劇化身售貨員 古天樂盡顯「反差萌」

香港文匯報訊 混血肥仔（曾達恩）主理的多媒體頻道BBO為觀眾帶來不同驚喜，訪談節目系列《地球人生活指南》、真人實測節目系列《試吓囉唔駛死》等更是深受歡迎，成績不俗。最近，BBO再推出趣味連續短劇《人生好似好很難》，講述丁丁（丁彥均）飾演的少女上班族如何面對人生各種困難。《人生好似好很難》最新公開的第五集更請到古天樂（古仔）登場，與丁丁正面過招。

古仔日理萬機處事認真，予人一種不言苟笑的感覺，可是在《人生好似好很難》第五集中，他卻飾演一名好努力去笑的化妝品店售貨員，一反嚴肅形象，甚有「反差萌」。劇中，古仔一邊微笑一邊誠懇地為丁丁服務，拎完粉底給丁丁後，便拚命游說推銷其它產品。不過，丁丁明顯覺得古仔太有壓迫感，好快就極不耐煩地直斥對方：「其實我想講好耐，你唔想笑，可以唔使夾硬笑喎。」語氣落足「火藥」。

古仔無辜被鬧後，便向丁丁解釋店舖正參加商場舉行的「微笑行動」，所以自己要一直保持微笑，仲解釋自己為何不斷推銷：「其實我本身係sales嚟，sell嘢係我嘅責任，乜有錯㗎咩？」到丁丁行去收銀處付款後，古仔更自我檢討一番：「唔係吖，我有笑㗎。」當丁丁離開店舖時，撞正上司Jeffrey巡商場，Jeffrey質疑她「蛇王」去購物，嚇到手震的丁丁就急中生智，聲稱自己是做臥底去監察「微笑行動」是否有效：「完全唔work，你睇吓佢（古仔），完全唔識笑㗎。」可是，Jeffrey望入店內，只見古仔笑到見牙不見眼，到他親身上陣試古仔的服務態度時，古仔更盡顯好客之道勁好口大讚Jeffrey。測試完畢後，Jeffrey即反駁丁丁：「唔係喎，好有禮貌，係咪你有問題呀？」古仔望見丁丁被上司話了兩句後，仲笑住向丁丁揮手「贈慶」，場面非常搞笑。