谷婭溦為答謝歌迷辦免費音樂會　每位歌迷可獲兩張入場門票

香港文匯報訊 谷婭溦（溦溦）將於7月17日晚假東蒲胡李名靜體育館舉行一場歌迷聚會《Voice of Vivian 谷婭溦「溦溦」道來流行歌會》，她表示十分感謝歌迷一路上的支持，為答謝大家，決定大派福利，舉辦一場免費音樂會，條件是歌迷需預先報名登記，以先到先得，免費入場，每位歌迷可獲兩張入場門票。

溦溦日前接受新城程凱欣與麥卓華《原來生活好快樂》節目「自主人生」環節錄音訪問，在節目中形容自己性格大大咧咧，所以初入行時得罪人多，稱呼人少，「我個人直腸直肚，冇諗咁多心機嘢，說話欠缺婉轉，得罪咗唔少人。」

已入行15年的谷婭溦，直言性格並無改變，變的只是心態，「以前啲人會覺得我寸，了解我個人之後，知我講嘢方式係咁，我當你係朋友先講真嘢。」

谷婭溦16歲開始研習聲樂，以湖南省第1名、全國第2名的成績考進武漢音樂學院，後來成為美國波士頓伯克利音樂學院的在讀研究生（主修美聲），去年她在港開設音樂學校，如今已經桃李滿門，「我希望自己嘅歌聲畀更多人認識，所以點解我要開音樂學校，就係想傳承更多人嘅夢想。」

程凱欣爆料指有不少歌手表示跟谷婭溦學唱歌，都曾被她責罵，但做得好亦會獲得讚揚，谷婭溦即扮惡反駁，「邊個話我鬧佢？我從來唔鬧人，鬧人係最低級的做法，我只會用第二個方法去解決，例如前排《中年好聲音2》有兩個學生開唔到聲，我叫佢同一個動作做50次，睇住佢做，做到啱為止。」可謂嚴師出高徒。

至於未來有什麼計劃？谷婭溦指自己有個宏大的夢想，就是做一個有影響力的歌手，「我想企得高啲，唔係為搵錢，我當咗香港係我第二個家，好想去為呢個地方出一分力，如果我唔做歌手，我會去做ICAC（廉政公署），因為細個睇電視劇，見佢哋攞住個證行出嚟好有型，所以到最後我好想從政，記得5年前同朋友行街見到選議員，我好有衝動去選。」程凱欣笑言：「睇唔出你人仔細細志向咁大，咁我哋申報定，到時幫你助選。」