香港文匯報訊 由粵劇名伶陳培甡聯同黎燕珊（珊姐）、南鳳、鄧有銀、陳鴻進、黎耀威、呂洪廣及陳希寶等，日前於新光戲院大劇場載譽重演三場家傳戶曉話劇《雷雨》，因為首演口碑不絕，今次三場亦爆滿，當陳培甡拖着黎燕珊與鄧有銀出場謝幕時，觀眾掌聲如雷，珊姐更套用劇中對白：「阿平，我哋真係完咗？」銀姐亦用四鳳語氣說：「阿平，我唔捨得你呀？」而飾演周平的陳培甡就說： 「我哋其實最唔捨得係觀眾。」再向觀眾致謝圓滿落幕，似乎亦埋下再有機會重演的伏筆。

陳培甡更表示慶幸有一班好演員和自己一起演一台好戲，今次重演每位都演得好好，更有默契，實在是難能可貴的組合。不少圈中好友亦有到場欣賞，包括薛家燕、楊明、莊思明、劉家豪、梅小青、王玉環、倫永亮及歐信希等，家燕姐更睇足全場非常投入，她大讚：「粵劇演員培甡、鳳姐他們演舞台劇都一樣好精彩，好有獨特之處，令我最驚喜的是首次睇黎燕珊演舞台劇，繁漪這個角色絕對不易演，但她演繹得充滿層次感，整齣劇冇冷場，好好睇呀。」

黎燕珊對於今次再度重演舞台劇《雷雨》，她說：「感謝大家的鼓勵與肯定，從當初自己有點顧慮，到尾場演繹周繁漪是在享受角色下完成，當然實在不捨，但更加期待『後會有期』。」

楊明莊思明未見過珊姐咁癲

楊明與莊思明前來捧場，首次睇這齣舞台劇，兩人異口同聲說：「真係好驚喜未見過珊姐演一個為情而瘋癲嘅繁漪，從來未見珊姐這一面，真係好厲害、好犀利，真心佩服。」莊思明表示各位演員拿捏角色都有好多內心戲，更要帶動觀眾在三個多小時內完全入戲，拍劇可以NG，但現場絕對冇得停，還要將情緒爆發出來，尤其最後一幕將大家身世揭曉，兩人更感覺震撼。楊明更稱《雷雨》這作品經歷多年，如今再在舞台上睇仍然好睇。楊明與莊思明均表示想嘗試演舞台劇。