五堅情明年合體辦巡演 陳柏宇除衫騷麒麟臂

香港文匯報訊（記者 子棠）台灣樂隊四堅情前晚為香港舉行的《The Nextwave 沙灘音樂節》第二場擔任壓軸表演嘉賓，更預告明年會以五堅情齊人合體進行巡演，又與隊友齊齊以婁峻碩早前在個唱中狂收內衣說笑，表示準備好收「大禮」；而香港歌手代表有陳柏宇（Jason）、陳凱詠（Jace）等。Jason相隔多年再度參與沙灘騷，更順應粉絲不斷大叫「除衫、除褲」的要求，除掉外衣露出麒麟臂，當上這晚的「除衫擔當」；他笑謂：「除衫交畀二三十歲嘅歌手去做，我係因為太熱唔除唔得。𠵱家操到一雙麒麟臂都好滿意，不過要除上衫就要搵一個舒服嘅場合先做，亦要再操Fit些。（有否看到台下有許多比堅尼靚女？）以前細個去沙灘可能鍾意睇比堅尼，𠵱家喺街上隨時都見到靚女着比堅尼，都冇咗嗰種感覺。」首次參與沙灘騷的Jace高興指觀眾的熱情令她相當投入及享受演出，期望再開戶外騷；而露背上陣的她笑言比堅尼還是留待自己去旅行才穿。

四堅情壓軸登場引得全場瘋狂，邱鋒澤還被觀眾搞到High爆忘記歌單次序，但不忘公布喜訊指2025年五堅情會齊人巡演跟大家見面：「只要香港訂到場一定會開個唱。我哋目標是每次都學多點廣東話，最終可以全廣東話跟『堅果』溝通。」8月開個唱的賴晏駒更笑着叫粉絲好好表示。