香港文匯報訊（記者 梁靜儀）陳慧琳（Kelly）與盧瀚霆（Anson Lo）二度合作，攜手演繹《深閨 feat. KELLY CHEN 陳慧琳》，Kelly事前瘋狂Loop歌至少100次做準備，笑言歌曲View數有一半是她點擊的。

Kelly去年為Anson Lo個唱擔任表演嘉賓後，最近Anson Lo再次邀請Kelly灌錄《深閨 feat. KELLY CHEN 陳慧琳》，來一次正式合作，向來做事認真的Kelly，為了這次合作，錄音前狂Loop Anson Lo的《深閨》，練熟旋律才開始錄音。

能邀得Kelly再度合作，Anson Lo笑稱覺得自己好勁。近年都與不同歌手合作的Kelly就說：「我都想同新生代歌手合作， 之前同Sing Sing Rabbit，另外亦宣布咗我同AGA合作，但就要等到我完咗巡唱先可以進行。有日忽然間收到Anson嘅邀請，想搵我合唱，而且可以幾個鐘就搞掂，所以Why Not？同埋之前合作好愉快，不過冇諗過同佢合作係唱慢歌 。我為咗呢個合唱版，我起碼聽咗100次《深閨》，啲View數有一半係我㗎。」Kelly又讚Anson Lo演繹慢歌的深情度又提高了，感情拿捏得非常好。Anson Lo聽到Kelly的嘉許，也感到萬分興奮。

Anson Lo指每次跟前輩合作都會有壓力，他說：「Kelly又唱得，錄音又快，而新版本不論歌詞Melody都唔一樣，我同Kelly係以Harmony形式對唱，所以我嘅Range要再高啲，係一個挑戰。」經過今次再度合作，二人都感到意猶未盡，期盼日後再度合唱，不過Kelly就不想再唱自己的歌，Anson Lo就提議如果再合作，直接出一首新的快歌，給大家驚喜。