陳慧琳與盧瀚霆二度合作　攜手演繹《深閨》

香港文匯報訊（記者 梁靜儀）陳慧琳(Kelly)與盧瀚霆(Anson Lo)二度合作，攜手演繹《深閨 feat. KELLY CHEN 陳慧琳》，Kelly事聽瘋狂Loop歌至少100次做準備，笑言歌曲View數有一半是她點擊的。

Kelly去年為Anson Lo個唱擔任表演嘉賓後，最近Anson Lo再次邀請Kelly灌錄《深閨 feat. KELLY CHEN 陳慧琳》，來一次正式合作，向來做事認真的Kelly，為了這次合作，錄音前狂Loop Anson Lo的《深閨》，練熟旋律才開始錄音。

《深閨》原來的版本講述一對情侶不理世俗的一切，只想留在家中相戀，互相依偎在一起，但歌曲中的主角，其實都感到害怕，不過亦因為害怕，所以才更想深閨，而今次合唱可算是一個推進版、一個延伸，Kelly飾演過來人的角色演繹歌曲，說服男主角要對自己篤信的愛情觀有信心。

能邀得Kelly再度合作，Anson Lo笑稱覺得自己好勁：「今次係Official合作，邀請佢Featuring我首歌。一直好欣賞同敬佩Kelly，跳唱皆能，係香港一個Icon，能夠邀請到合唱，自己覺得係好勁嘅事。」

近年都與不同歌手合作的Kelly就說：「我都想同新生代歌手合作，之前同Sing Sing Rabbit，另外亦宣布咗我同AGA合作，但就要等到我完咗巡唱先可以進行。有日忽然間收到Anson嘅邀請，想搵我合唱，而且可以幾個鐘就搞掂，幾好，所以Why Not？同埋之前合作好愉快，不過冇諗過同佢合作係唱慢歌 ，我諗住一定係快歌啦！但咁都好，我為咗呢個合唱版，我起碼聽咗100次《深閨》，啲View數有一半係我㗎！」Kelly又讚Anson Lo演繹慢歌的深情度又提高了，感情拿捏得非常好。Anson Lo聽到Kelly的嘉許，也感到萬分興奮。

這次二人走進錄音室合作，Kelly表示令她回想到過去灌錄《誰願放手》的那份情深，而去年推出的《我的親人》，亦都有類似感覺。Kelly對上一次與男歌手合作錄歌，原來已經是2014年為電影《盜馬記》主題曲《不如今晚》與梁家輝及鄭伊健合作，Kelly坦言：「因為每個人都有唔同Character，所以每次感受都會有唔同，但上一次配合電影的喜劇劇種，所以演繹上都比較搞鬼，今次合唱版係好有意思，俾我嘅感覺唔同，所以唱法亦唔同。」

至於Anson Lo，則指每次跟前輩合作都會有壓力，他說：「Kelly又唱得，錄音又快，而新版本不論歌詞Melody都唔一樣，我同Kelly係以Harmony形式對唱，所以我嘅Range要再高啲，係一個挑戰。」經過今次再度合作，二人都感到意猶未盡，期盼日後再度合唱，不過Kelly就不想再唱自己的歌，Anson Lo就提議如果再合作，直接出一首新的快歌，給大家驚喜。