拍劇撮合眾多熒幕情侶　劉家豪鮮有能開花結果

香港文匯報訊 （記者 子棠）現年71歲、有「收視保證」的電視台金牌監製劉家豪於上世紀七十年代入行，縱橫電視圈50年，代表作包括《蓋世豪俠》、《他來自江湖》、《溏心風暴》等經典系列，更一手捧紅周星馳、吳孟達、李力持等，今年7月榮休的家豪哥以剛播畢的《逆天奇案2》作告別作。

家豪哥在參加電台節目時談及在1989年的《蓋世豪俠》破格起用新人周星馳擔正：「啱啱過TVB拍25周年台慶劇《大都會》時，周星馳係飾演汪明荃同鄭少秋個仔，發覺呢個演員唔簡單，好有自己的風格。拍《蓋世豪俠》前，因為好多武俠劇題材都拍過，就諗到用無名小卒為題，搵一個新演員演繹，當時TVB係強勢，只要係敢用就得，最後周星馳真係彈咗出嚟。」家豪哥亦大讚周星馳是百年難得一遇的天才，對於外界曾傳言周星馳經常修改劇本，家豪哥澄清：「外界傳聞搞錯啦，佢唔係改劇本，佢其實好跟劇本去演，只係佢用自己的風格去演繹，我當時諗法就係，佢做得唔好我咪剪囉，所以我好放心畀佢演。」因《蓋世豪俠》成功，劉家豪同年再開拍《他來自江湖》時，再找周星馳夥拍萬梓良孭飛，再創高收視成就周星馳傳奇。

半世紀以來，家豪多齣經典劇亦撮合不少熒幕情侶，包括有《蓋世豪俠》的周星馳與羅慧娟，《龍兄鼠弟》的張衛健和宣萱，《他來自江湖》的萬梓良和恬妞。家豪哥承認演員太投入劇情，會易導致戲假情真，不過家豪哥亦承認鮮有像《萬里長情》的林文龍和郭可盈最後能開花結果。