（香港文匯報記者 梁靜儀）黎諾懿、羅天宇、陳自瑤（Yoyo）及賴慰玲（阿賴）主持的節目《香港婚後事》，今晚(2日)播出一集請來張振朗和朱敏瀚擔任嘉賓，二人大談對婚姻觀與家庭觀的看法。

阿賴與張振朗、朱敏瀚因合作《反黑路人甲》結緣，為答謝好友一口答應擔任節目嘉賓，作為「無飯主婦」的她與Yoyo親自準備shabu shabu招待兩位「牛魔王」，六人邊吃邊開「研討會」，鬥坦白的同時還鬥互窒。六人之中，振朗、朱仔及天宇均尚未成家，份屬好友的振朗及朱仔原來婚姻觀亦相當類近，除每次拍拖均會以結婚為前提，又不約而同認為要有經濟基礎才可成家。不過振朗一再強調 「錢唔係最大嘅問題」，期間驚爆一句：「講有錢要問番黎總先得！」諾懿亦大方回應與太太「女尊男卑」的問題：「嗰時以我嘅能力，要追趕我太太係冇可能嘅事，但嗰時真係鍾意…」之後諾懿一本正經分享如何以一招贏得太太信任，內容真摯感人。現年36歲的天宇則坦言心急結婚，認為40歲都是大的年紀。諾懿問振朗及朱仔「會唔會揀賴慰玲做老婆」，結果兩人異口同聲因為一個原因嫌棄阿賴，朱仔更指覺得二人在教小朋友方面很大分歧：「我試過同埋佢個仔一齊坐地鐵，佢個仔喺度郁嚟郁去，當然好乖冇搞到其他人，我就心諗如果呢個係我個仔，我一定會叫佢坐低。」振朗即勁搞笑謂：「我估唔到朱仔已經諗到咁遙遠，完全冇呢個幻想嘅餘地。我同佢（阿賴）太friend，我冇諗過，我有啲想嘔。」

振朗又自爆中學時曾透過聊天室約異性出街，更勁老土地以「紅玫瑰」做相認記認：「嗰時主要都係傾偈，傾傾吓就會試吓約出嚟。但因為嗰時好細個，咪約幾個Friend一齊，講話着咩色衫，咬住支紅玫瑰做記認咁。」振朗又指由於當年科技未夠發達，聊天室不設頭像，故有很大想像空間，盡顯浪漫一面：「會諗諗呢個係咩女仔，可能會諗到好多美滿嘅事情。」而振朗當年的「網戀」，最後因一個原因泡湯。