香港文匯報訊（記者 梁靜儀）張家輝、周勵淇及唐文龍，前晚（23日）到九展出席電影《超意神探》首映禮，家輝在戲中扮演患有超憶症的警探 ，不過現實中的他很多時都沒記性。

家輝受訪時被問到現實中是否記性好？他表示工作方面都幾好，以前拍TVB的古裝劇，有一兩頁對白都無問題，但因為日夜拍攝，有些場口三頁紙對白，沒時間記，惟有打天才波，他解釋：「啲人會覺得點解主角都記唔到，但我哋連瞓覺時間都冇，當然呢個唔係藉口。」家輝又稱工作以外的生活事，好容易忘記。問到是否會交由太太關詠荷處理？他笑說：「又唔係，佢會問返我，總之大家記到就記啦，記唔到都冇辦法。」提到其太太關詠荷近日拍的廣告播出後被讚凍齡，家輝即大讚說：「佢係正喎，（喺屋企望住太太都話正？）有，我話佢老有老靚，後生時又靚，之後老咗都係咁靚。（你有眼光？）都係佢好彩。」問到太太駐顏有術，他有否壓力？可要keep得好？家輝趁機自讚一番：「你唔見我成日收埋佢喺屋企咩？我本身靚仔邊有壓力，我係混血兒，番禺混廣州。」

至於《超》片於內地變了「網大」（網絡大電影簡稱）會否介意，家輝稱不介意：「演員崗位係做好演嘅事，唔係做決策，今次故事同人物賦予嘅元素好豐富，我諗冇乜演員攞到呢個劇本唔想去做，自己作為演員竭盡所能去做，至於幾時上？咩地方上？宣傳策略？同我冇乜關係。」談到有網民指你也拍「網大」？家輝說：「我冇刻意唔做『網大』，我唔能夠排除將來我會唔會唔演『網大』，如果遇到心動角色或班底都會參與。」同場的周勵淇去年被傳懷上第二胎，身旁的家輝就搞笑代答：「生完啦。」周勵淇澄清真的沒有生第二胎，暫時亦不考慮再生。她說：「湊住個仔我已經好辛苦，全部嘢都係自己搞，之後阿仔升K2，應該會出返嚟做嘢，可以返吓內地。（寧願湊仔定返工？）情願返工，（老公有冇幫手湊仔？）個仔黏媽咪多啲。」家輝就安慰她，湊仔辛苦是有期限的。