香港文匯報訊 近期劇集《逆天奇案2》，除了收視與口碑節節上升，資深傳媒施姐（彭美施）特別賀家豪哥即將榮休及收官之作反應熱烈舉行祝捷會，一班演員捧出精心為家豪哥及小青姐而設計的祝捷兼榮休蛋糕，令到他十分感動。

提到薇薇再拒絕陳展鵬，不少觀眾猜測會否情投方力申？林夏薇稱：「我睇到好多觀眾留言，幾乎比我更融入阿Wing處境，真係好開心觀眾咁肉緊，而且眼利見到譬如我眼神逃避陳展鵬的森Sir，就知道我內心仍是好複雜的感情，所以當然還有後續。」方力申補充說：「我都見到好多網民叫你接受我，展開一段新感情呀！」林夏薇尚未接受小方，但已出現「第三者」——張頴康，大家笑言兩人將會是「最強CP」，劇情已爆出原來兩人早已因打網上遊戲機而互相認識，小方笑指：「我在荒島有了張頴康才有生趣，所以一直很欣賞他，亦想方設法令他可以再清醒返，不過如果我們團聚，薇薇應該有危險了！」方力申與張頴康更好有默契地講出他們戲中一句對白：「We've got the heat , We can't be beat（我們狂熱 無法擊倒 )！」果然是「最強CP」。

黃智賢（Ben）與蔣祖曼（Joman）這對「情侶」同樣好受觀眾喜歡， 這晚阿Ben由內地拍完廣告趕來宣傳，Joman 話好羨慕阿Ben有咁多廣告，講笑話要阿Ben引薦佢，原來Ben真係跟廣告商傾過同Joman一齊「情侶檔」拍廣告， Joman話多謝黃老闆帶挈 ! 而且阿Ben更應承有機會就同Joman一齊去登台。