香港文匯報訊（記者 子棠）林奕匡（Phil）最近密鑼緊鼓為本月27日至28日舉行的一連兩場《高山低谷 10周年 Special - Phil Lam The Great Decade Live》音樂會排練；不過日前途經旺角街頭，聽到busker演唱自己的《安徒生的錯》一時技癢，突入busker街頭開Live一同演唱！Phil更即興與Busker jam《有人共鳴》及「DSE神曲」《一雙手》，當中有應屆DSE考生的樂手說：「我小六就聽呢首歌。」Phil苦笑表示：「你想兜個圈話細個就聽我啲歌。」

途中，Busker表示3年前參加歌唱比賽第一次就是唱《高山低谷》，故希望與Phil現場唱一次。Phil搞笑指：「3年前啫！」又指歌曲正正推出了十年，Busker即指出：「嗰時我7歲。」場面惹笑。隨即，樂手更建議彈THE FIRST TAKE Version，Phil不禁大讚：「呢個version多咗個music break，你都識？」Phil又表示：「今日幾開心，冇諗過有咁大嘅收獲，音樂其實有時都係緣份，例如遇到一隻歌、遇到一個故事、遇到一份詞，生命有唔同嘅機遇就係咁樣嚟。」他又鼓勵Busker繼續追夢，做到自己喜歡的事，即使遇到挑戰都會令人成長，讓自己能夠面對更多難題：「做音樂唔容易，尤其是buskers，要一早霸定個位又要練好多歌，所以大家要多多支持。」期間，一度獲圍觀市民一同大合唱，唱畢後，Busker大喊：「我真係好開心呀。」場面熱鬧又溫暖。

最後，Phil決定送上音樂會門票邀請Busker到場欣賞這場別具意義的音樂會，見證Phil十年來經歷《高山低谷》的音樂軌跡，藉此激勵街頭表演者憑《一雙手》握成拳頭，總會尋找到屬於自己的地方。事後，Phil亦上載大合照謂：「記得十年前，我都有喺呢度busk過，亦都希望鼓勵一下追音樂夢嘅朋友，Do what you love，love what you do. 就算觀眾多與少，你都可以一樣咁enjoy，加油！」