由葵青民政處、葵青區議會同青衣鄉事委員會合辦嘅「18區日夜都繽紛@葵青戲棚」於12至14日一連三日（星期五至日）喺青衣青綠街38號青衣體育會運動場舉行啦！

場內有超過40個特色攤位，售賣新穎同地道美食同手工藝品。場地亦設有別具特色嘅大型花牌同傳統由竹搭建嘅戲棚，慶賀日夜繽紛，同賀真君誕及天后誕！

活動啟動禮於12日下午6:30舉行，有花牌亮燈儀式、夜光龍及花式跳繩表演為活動揭開序幕。活動期間，戲棚每日有唔同嘅表演項目，包括嘻哈說唱表演、歌唱表演、脫口秀及街舞大賽等，千祈唔好錯過！

葵青戲棚活動咁豐富，集美食、音樂、文化、市集於一身！活動首兩天更會同大家玩到晚上11點！識玩識食嘅你，記得帶埋親朋好友一齊嚟感受吓葵青區傳統文化同新穎創意嘅雙重魅力啦！

前往方法：可乘搭41A、41P巴士或43、44號特別巴士路線，喺青衣市區普通科診所對出巴士站落車；或乘搭機鐵線於青衣站下車，經C出口離開，然後沿青衣公園直行至青衣體育館旁。

（來源：民政事務總署fb）