香港文匯報訊（記者 梁靜儀）廖子妤（Fish）與栢天男昨日（9日）到上環出席時裝活動，分享打扮心得。有份角逐香港電影金像獎最佳女配角的Fish， 透露要跟其他女星搶戰衣。

金像獎頒獎禮將於本周日舉行，Fish透露為了出席頒獎禮，近日除了積極健身又勤做護膚，至於戰衣則仍在揀選中。穿衣喜歡配合五行的她， 揀戰衣亦不例外， 她笑說：「 有幾件揀緊，其中一件合乎五行，件衫有好多金屬元素，希望旺一旺，但件衫太重，而我太瘦，未知自己Fit唔Fit到，怕行行吓跣落嚟， 變成頭版新聞，我咁瘦冇肉可露，我露骨。臨近金像獎，全城都喺度搶衫，好難借衫，冇衫着。」

Fish的男友盧鎮業（小野）亦有份角逐金像獎影帝，但Fish就表示不會幫男友揀選戰衣，因為他已經長大成熟。她更預告不會跟男友一起行紅地氈：「成日對住，咁大日子，我想同自己嘅電影團隊行，同黃子華、王丹妮一齊行。」

對於男友小野於劇集《瑪嘉烈與大衛系列 絲絲》中與吳啟洋（Phoebus）有吻戲，Fish就說：「我喺戲入面都有同演兩兄弟嘅傅孟柏同Phoebus拍吻戲，打平。（唔介意？）做呢行係一個循環，栢天男同我都演過夫妻。」

問到栢天男在金像獎可有投Fish一票？他說：「 當然會投她一票，佢演技超班，因為我企喺佢隔籬，唔想佢因為咁嬲咗我。」

早前他遠赴法國拍戲，問他可有艷遇？他笑指因忙於拍攝，沒時間結識異性，加上言語不通很難溝通，故只能專心拍戲， 不過經過此行，真的要讀多些書。