嚟緊下星期五至星期日一連三晚（12-14/4），大家約埋班friend一齊黎屯門「18區日夜都繽紛@夜屯園」食、買、玩啦！

「夜屯園」有多個美食攤檔，包括中、西、日、韓、星馬泰、傳統小食等，聽到都流晒口水！

活動期間仲有青年音樂表演，畀大家一邊食好野，一邊enjoy表演！

最特別係場內有真·霓虹燈裝置藝術品畀大家近距離仔細欣賞同打卡影相！每個霓虹燈裝置都係獨一無二！霓虹曾經係香港繁華市面街道嘅特色，不過真正嘅霓虹依家喺市面上已經愈來愈少見得到，仍然喺街上嘅就通常掛到幾層樓高。今次「夜屯園」活動霓虹燈裝置就近在眼前啦，大家記得把握機會嚟睇吓啦！

活動期間仲會派優惠券，即買即減！先到先得，派完即止！附近商場仲有購物優惠！唔講咁多，大家快啲約定屋企人同班friend下個weekend一齊去啦！

【18區日夜都繽紛@夜屯園】詳情

日期：2024年4月12至14日（星期五至日）

時間：美食攤位及青年藝術工作坊（晚上6時30分至10時30分）

現場音樂表演會（晚上6時30分至8時正）

地點：屯門文娛廣場

費用︰免費入場