香港文匯報訊 由衛詩雅（Michelle）主理的網上飲食節目《衛食攻略》今晚（14日）上架，今集請來之前跟Michelle「有少少誤會」的薛家燕任嘉賓，為表誠意，Michelle特別找來家燕姐的「飯堂」開餐，二人邊說邊食，頓時「冰釋前嫌」。

早前家燕姐將Michelle錯認為陳家樂老婆連詩雅，二人合照時更恭喜她有喜，弄得在場人士捧腹大笑。今集節目一開始，Michelle便假裝神色凝重，對着家燕姐說：「我哋之前有啲誤會。」家燕姐立即又向Michelle恭喜，「衛詩雅，恭喜你提名最佳女主角，哈哈。」Michelle立即捉着家燕姐雙手親親，「多謝你，家燕姐。」家燕姐重提舊事，「哎呀！真係尷尬啦，我仲摸你個肚啊。」兩人隨即大笑。

Michelle向家燕姐請教保養秘訣，家燕姐表示湯水及充足的睡眠十分重要。Michelle問起家燕姐的感情生活，家燕姐笑道：「有拍拖，有人知道我有個朋友仔細過我嘅，咁我梗係好保護關係啦，因為佢唔係我哋呢行。其實我咁嘅年紀，我唔會諗住再結婚，佢希望想結啦。」然後繼續大爆料，「可能人哋想有小朋友，但係我收咗經啦嘛！哈哈！」

Michelle亦乘機向玩social media玩到出神入化的家燕姐取經一番，家燕姐坦言女兒及兒子是自己的團隊，「我個女幫我上連登，我問佢而家潮流興啲乜嘢，我就會盡量去做，好似《Flower》，我啲學生話：『家燕媽媽我哋全部都識跳。』我唔識跳會好瘀㗎嘛，自己又係校監。」隨後，她又過番兩招給Michelle，「寄語」她不要在廁所瀏覽社交平台，「因為有一次我喺廁所睇Facebook，唔小心撳咗live個掣，哈哈！我兩個女，『嘩！媽咪你做乜嘢呀？你做乜喺廁所Facebook live！』嗰刻唔係好多人睇咗啫，我係大頭咁坐喺度，做緊一件好大嘅事！哈哈。」