黃智雯角色轉換「零違和」 張曦雯大晒美好身段

香港文匯報訊（記者 子棠）馬德鐘、黃智雯（Mandy）、張曦雯（Kelly）、羅天宇、徐榮、鄭俊弘等主演的新劇《再見·枕邊人》前晚首播，劇中Mandy不單止要應付與Kelly和馬德鐘的三角關係，還要不時轉換失憶7年的年輕版與現在版的角色，年齡至少相差十多歲，但Mandy無論演繹哪個年紀均「零違和」，年輕版更散發着一股充滿青春活力的甜美感，足證保養得宜。

至於Kelly在首集即大晒亮麗貼身婚紗Look、弗爆水底芙蓉Look及做Gym Look，美好身段表露無遺，手臂上還有老鼠仔若隱若現；全靠Kelly平時勤做運動，除了每星期會去大約5次健身室，每次運動時間不少於2小時外，Kelly還經常做瑜伽及重量訓練鍛煉身材。而首集甫出場即要展現喊功的Kelly，坦言《枕邊人》是其從演以來喊得最多的劇集：「呢套劇真係喊咗好多場，有時開工都會諗『今日又要喊？』。我之前啲角色都係開心、甜美啲，同埋性格都直接，今次呢個角色除咗好多情緒同秘密，亦好多喊戲，真係好大挑戰同埋好有滿足感。」Kelly續指為了投入角色，開劇前除了瘋狂「罰抄」，更為角色度身訂做「專屬歌單」：「我每套劇開工前都會寫好多角色嘅背景資料出嚟，幫助自己了解個角色。另外我又會搵啲歌去配合返個角色性格同埋經歷，然後日日揸車返工時都聽住啲歌，令到自己更易進入個狀態。」