（香港文匯網記者 梁靜儀）麥浚龍( Juno)將於今個月22日舉行演唱會《金榜題名 project_mayhem • an urban fantasy by juno mak》，13日他到土瓜灣為演唱會進行綵排，而新年期間他亦沒有外出拜年，只是跟家人食團年飯。

Juno表示今次個騷因涉及粗口與暴力，歌曲於某些媒體平台被列為禁歌，演唱會亦被列入「18禁」，他說：「 三級電影都拍過，但三級騷都係第一次做，不過都只係意識上，(服裝上會否都比較性感？) 所以要請嘉賓，不過服裝未必性感但會浮誇，配合返個騷主題，今次我會唱七成哥其餘三成就由嘉賓唱。」問到入場睇騷的觀眾是否要夠18歲？Juno笑指好彩歌迷跟他一齊長大。除了演出Juno並身兼監製及服裝，他自嘲其實是個打雜，可能加上年紀又大，今次開騷特別攰。

問到新年可有被長輩催婚？Juno說：「冇喎，(定係你已經結婚？)冇冇冇，(但之前有傳你已婚，並有一名女兒？)唔係嘩？係咩？我都有小朋友，就係我啲貓有3隻已經夠啦。」

14日是情人節，跟中英混血女友Janine(戴庚玲)女友拍拖十多年的Juno被問到有何表示？他笑說：「佢表示畀我，(係咪因為已經係老夫老妻所以唔使表示？) 如果有一日真係結婚，我唔介意畀大家知道，因為都唔係什麼唔畀得人知道，一我唔係介意結婚，但暫時未想(結婚)住，做好工作先。」