出爐「飛躍進步男藝員」馬貫東　「麻甩八式」演市井爛仔入型入格

（香港文匯網記者 梁靜儀）馬貫東在近日播出的劇集《旁觀者》中，飾演市儈冇腦但又義字當頭的爛仔高大昇，對「男人的浪漫」有無限憧憬的他，與兒時好友隊長（董敬文飾）組成超人戰隊，並以「相信光」為主題在街上大跳「光之舞」及拍攝超人Gimmick片；結果抱着玩票心態參與事件的大昇爆紅，反而認真堅持了多年的隊長乏人問津。

今晚（16日）播出一集，大昇為了支持好兄弟隊長，負傷上陣與隊長公開表演「光之舞」，並上演「超人孖咇打怪獸」，在官方拍攝花絮中，馬貫東與董敬文所穿戰衣相當貼身，馬貫東更指着董敬文pat pat大讚圓潤。談到身上戰衣，馬貫東坦言最辛苦是事前Keep弗：「Keep fit嚟講呢…嗰期係食少咗嘢嘅，戒澱粉質等個人唔好咁腫脹先，再去做gym，雖然脂肪比係少咗，但都係要長期縮住個肚腩。另外拍攝嗰日都有啲凍，而嗰件衫係『冬涼夏暖』嘅，即係一有風就入曬肉，不過好彩拍攝時間唔算長，所以都頂得住。」董敬文則透露場口令他重拾不少童年回憶：「我廿幾年前成日做呢啲動作！」

除了減肥Keep弗，為了演好高大昇這個角色，馬貫東又以「麻甩八式」包括：着人字拖、R肚腩、咬牙籤、炮製鼻涕飛彈、撩鼻屎、藐嘴、猥瑣樣及瘋狂Un腳，將大昇的市井形象立體化。談到麻甩八式如此神似，馬貫東透露全靠日常多觀察及思考。

另外，在劇中閃現的葉蒨文，飾演一樓一「奇姐」的她，雖然出場不足一分鐘，但卻先後以「Sexy鳳姐」及「型格江湖大嫂」Look成功搶灘。