（香港文匯報記者 梁靜儀）80歲的「鬼馬歌王」尹光（光B）與女團Me&3位成員黃淑蔓（Feanna）、譚旻萱（Mandy）和連家穎（Vian）今日（14日）到紅磡出席賀年活動，於台上獻唱歌曲又與粉絲玩遊戲，吸引大批歌迷到場支持。大會更即場頒發《民間最受歡迎男歌手獎》給光B，光B更向大家承諾不言休：「我唔會休息，唔會停下來，一直唱到90歲。」
眾人提早向大家拜年及分享過年習俗及難忘事，光B表示如果收到禮物要回禮及封利是；Mandy表示由18歲開始，逢過年都會被親友催婚；Feanna就表示家中傳統年三十晚一起吃餃子，如果食到入面有粒開心果，就代表今年會好開心；至於Vian則稱曾試過因太興奮，與家人碰杯時碰爆杯。
早前尹光於叱咤頒獎禮大熱倒灶，未有獲獎更坐了一整晚，對此尹光大方說：「當晚好開心，聽到好多歌，得與失好閒，（可有失望？)我冇預備攞獎，不過我估佢會叫我唱首歌《Dear Myself》，點知又唔使我唱，咪慳返囉。」他表示期間有與一眾年輕歌手交流：「我同軒公（張敬軒）較熟絡，有影相，佢仲好客氣話係我讓個獎畀佢。」
對於獲得「民間最受歡迎男歌手獎」，尹光表示很開心，問到今年可打算延續氣勢？他坦言要看精神狀況，不過公司已預備為他出新歌。人氣爆燈的他又透露，稍後要到美國、澳門及內地登台。
談到早前他有份表演的博愛慈善騷，爆出有幕後人員被大會走數，尹光表示不知情，要問公司至知。問到可曾試過被走數？他說後生時多，近17年就冇畀人走數。另外，同樣有份為博愛慈善騷表現的Me&3，表示對走數事件不知情，Mandy説：「當時係我哋第一次上台，緊張到咩都冇理。（出表演前會問公司收咗錢未？）聽唔到呢個消息，𠵱家攞經驗要緊，如果拍一套大片，就算冇都會照去。」
昨日與前輩尹光同場，Feanna笑指讀書時經常聽到同學唱尹光的歌，她更即場唱了幾句對方的經典歌，引來哄堂大笑。經常低胸衫的她，俯身玩遊戲時十分性感，不過她就表示新一年希望減肥成功，又承認公司都有溫馨提示她不要經常吃，但轉頭又約她去食好嘢。她又提議公司，若她能成功減去5公斤，便幫她出碟，而稍後她將會推出一首Solo新歌。Vian就希望新一年能拍攝綜藝節目：「我想可以是3個一齊的旅遊節目。 」
0
已點過讚
0 / 255