香港文匯報訊（記者 阿祖）蔡卓妍（阿Sa）、林愷鈴、朱鑑然及胡卓希昨日時裝品牌活動，清減不少的阿Sa心情大靚，即場收到老闆送花補祝她日前41歲生日，拍照時又做心心手勢，更大方罕談與富三代「百億麻將館太子爺」石恆聰分手非因第三者出現。

阿Sa傳出與拍拖6年的前男友石恆聰分手後，即有不少傳言指是因第三者C小姐介入，而前港姐梁超怡與陳靜(DaDa)均屬嫌疑人物。回復單身的阿Sa首度開腔回應分手與第三者無關：「我們分開並無第三者介入，據我所知，分開至今他沒有其他目標，他都好慘，一路俾大家誣衊，又沒有平台澄清，我們還是好好朋友，有一齊食飯，但當然單身男人或女人，多人追是正常的。」她現在有無人追？她說：「我一向有人追，不過我好揀擇，現在忙演唱會無時間理。」有無一個睇得上眼？她笑說：「有就答咗你，無就大家知咩事。」問她現在Open接受新戀情？阿Sa笑答：「我都無Close過，好似24小時便利店。」問石恆聰會否去睇騷？阿Sa表示對方有找她訂門票，她亦盡量幫親友安排，現仍保持好友關係。又有否機會復合？阿Sa只謂：「兒女私情暫時要放埋一邊，最近沒時間想，我都過得好好。」

Twins演唱會有望加場

阿Sa正為明年1月底舉行的8場Twins 演唱會排練，她指早於兩年前Twins 20周年已有概念開騷，但受疫情影響押後到現在22周年，已經籌備得如火如荼，並開始練歌和減肥增肌，想望落醒目點，過完下月的電影宣傳期便正式閉關。

阿Sa指拍檔鍾欣潼（阿嬌）都有努力修身，之後會一齊去健身，問到阿嬌是否要減得更多？她笑說：「有網友說阿嬌變肥變瘦似玩一般，所以她減肥應該比較容易。」Twins相隔多年再合體做大型演出，阿Sa坦言真有重拾當年Twins一起表演時的感覺：「尤其22周年感覺大好多，個人老了，開始好感性， 之前定歌單時，眼淚就湧出來， 好多歌以前唱和現在唱感覺都不同。」她表示今次演唱會有個構思是根據Twins 22年來在不同的MV、廣告及電影造型，由觀眾重演一次，齊齊打扮好入場癲一晚，暫時忘記生活上的不開心和壓力：「我們在台上就以新造型亮相，代表迎接未來，望着台下過去的我們，一定有好多回憶，講講吓我啲眼淚都想湧出來。」

Twins 22周年演唱會加至8場，門票亦旋即爆滿，阿Sa一臉得戚說：「其實我們每次開騷賣票都不錯，今次連我自己都不夠飛，公司話畀多了飛我們但仍不夠，叫我不要跟粉絲爭飛，結果要同助手一齊用飛行里數上網換飛，好難至換到4張，不過可能都會再加場。」