香港文匯報訊 由姜大衞兒子姜卓文主演的古龍音樂話劇《三少爺的劍》將於11月17日至25日假香港文化中心大劇院上演，姜卓文表示他在演藝路上一直尋找自己的極限 、同自己競賽： 「尋找自己嘅極限，進入一個狀態，成個人都投入一件事，意思就係做個每樣嘢都係為咗一件事，呢一件事就係我嘅音樂，我嘅演出，做好我自己！」

繼承父母衣缽的姜卓文被問到延續家庭演藝命脈的使命有否壓力？姜卓文坦然面對，更直言：「身邊有啲好好嘅榜樣畀我去追。反而變咗有個目標，未必要做到好似老竇（姜大衞）咁好；或者阿叔（爾冬陞）、阿伯（秦沛）咁好，但起碼知道我嘅level應該要去到邊個位。」他更憶述多年前入行時爸爸姜大衞的話：「有壓力係好事，有壓力先可以push到自己。」

本身沒有武術底子的姜卓文將要飾演《三少爺的劍》中的經典角色謝曉峰，揚言要同爸爸偷師：「今次都係第一次做武打嘅show，有keep住學，佢（爸爸）都係過兩招畀我，我自己練。」

造型及美術指導文念中把古龍的詩意具體化成姜卓文一身全白色「三少爺」的造型，既唯美又清新。外衣使用紡紗布料，這種在外隨風飄曳的線條、垂墜感與在內的戰鬥套裝層層堆疊，營造出微妙的衝突感，更顯角色剛柔並濟的性格特質。

出身自演藝世家的姜卓文，從來沒有因為背景而自傲，反而每日「三省吾身」：「選秀節目係個wake-up call，知道自己嘅不足，會諗點樣可以做得更好。用了一年時間，甚至到今時今日，都是磨練緊自己把刀……演戲就係——首先理解自己，然後先會理解到其他人。最緊要做好自己，做best version of 自己。」