香港文匯報訊 樂壇小天后炎明熹（Gigi）將於10月7至8日假九展Star Hall舉行一連兩場《炎明熹Gi-FORCE演唱會》，演唱會在即，正忙於綵排的Gigi收到喜訊，充滿少女風的輕快作品《Little Magic》，自6月尾推出後，先後在中文歌曲龍虎榜、新城勁爆流行榜以及勁歌金榜登上冠軍寶座，到9月30日榮登商台903專業推介冠軍歌，成為她出道以來首支四台冠軍作品！

Gigi說：「當日收到《Little Magic》呢首歌，有少少擔心歌迷會唔會接納，因為隻歌好少女味，節奏好輕快，同我本身個形象唔係太夾，哈哈！加上我換咗另一種唱腔，都驚大家唔認得我把聲。」

對於首次成為四台冠軍歌得主，Gigi將功勞歸功於一班幕後團隊。唱少女風作品得到歌迷受落，日後會不會唱更多類似曲風？Gigi有所保留說：「我仲係新人，應該嘗試更多唔同嘅曲風，慢慢摸索自己日後嘅歌路，所以唔同嘅曲風，唔同嘅音樂人，我都想嘗試、同埋合作，正如嚟緊我嘅演唱會，特別搵咗兩位我好欣賞嘅前輩，做我嘅演唱會嘉賓，兩個都係第一次同台合作，我自己都好緊張，但我相信大家會有驚喜，希望歌迷會喜歡我呢個安排。」

登央視中秋晚會唱粵語歌

另外，Gigi出道短短兩年時間便已經成為央視常客，繼去年春晚後，今年她再度在央視節目中秋晚會表演，與內地小生檀健次，唱出粵語歌《漫步人生路》，Gigi跟檀健次配合得甚佳，表現亮眼，令二人的表演環節一度登上微博熱搜。