自爆常被靚湯訓話 收封口令 馬國明稱婚期未受拍劇影響

香港文匯報訊（記者 梁靜儀）馬國明（馬明）、陳豪、蔡思貝、高海寧、洪永城、劉穎鏇及戴祖儀等，昨日到機場出席無綫新劇《飛常日誌》開鏡拜神儀式。馬國明指婚期未受拍劇影響，婚禮籌備如常，自爆經常被訓話，收靚湯封口令，想保持神秘感。

馬明表示《飛》劇只得10集，今次的焦點並非在機師身上，而是以機場管理為背景，故不是外傳的是《衝上雲霄III》，而他在劇中是飾演中央控制中心值班經理。說到有指無綫急召他拍劇，影響到他與湯洛雯的婚期？馬明強調婚期沒受影響，他說：「唔知係咪急召，因為套劇得10集，所有嘢如常，婚禮籌備中，冇受影響。」

將於年底與湯洛雯（靚湯）結婚的馬明，之前一直忙於工作，婚禮的事多交由未婚妻負責，透露劇集拍攝期間會到外地影結婚相，又自爆經常被訓話：「要等阿湯批准我先講得，因為佢想保持神秘感，我唔可以再講多啲，（有咩係你自己可以決定的？）我可以決定自己套禮服。」跟靚湯分屬好友的思貝，表示很替好友開心，當被問到是否已經到收囍帖和會做姊妹時，她則未有透露，表示要問靚湯。

馬明表示跟思貝還是首次正式合作拍劇，思貝飾演他的前妻，但他仍對對方念念不忘。問到二人可有親熱戲時，馬明說：「劇本暫時未有激烈親熱戲，但有甜蜜回憶畫面。」

大方祝賀舊愛黃心穎結婚

對於有網民稱不喜歡思貝演出新劇？思貝沒有太大反應，只說：「都唔係第一日嘅事，冇乜所謂，大家鍾意睇就繼續睇。」馬明就幫口說：「每個演員都有人鍾意同唔鍾意睇，做好自己就得，《你好，我的大夫》收視都好好，有好多觀眾都鍾意睇思貝，我都有睇。」另外，馬明被問到舊愛黃心穎結婚？他大方祝賀對方說：「當然恭喜佢，朋友結婚一定恭喜。（傳她雙喜臨門？）呢樣唔知，一個喜又好、兩個喜又好，都恭喜佢。」

客串演出機場管理局主席的陳豪，透露只有一場戲，但難得能參與好開心。問到他會否藉着拍戲帶小朋友到機場參觀？他笑說：「我都係抱住興奮嘅心情，但問咗監製原來我場戲只是在酒店拍，連機場禁區都入唔到。」

高海寧想跟洪永城拍節目

高海寧（高Ling）與洪永城（Tony）相隔近10年再合作，劇中二人會有錯綜複雜的感情線，講述他們從大學開始認識，兩人互相有好感，不過她有個前夫袁文傑及一名3歲大的女兒。Tony笑言他會主動追求高Ling，相信會有Happy Ending。

飾演機場保安主任的Tony，自爆在機場經常會被旅客問路，就連換上便服後都照樣被問路，令他更投入角色。相隔一年再拍劇，他表示現時主要拍劇及做旅遊節目為主。高Ling就表示很羨慕對方可以去亞馬遜，很想可以跟其一起前往拍節目，因為這些特別難去的地方，一個女仔去會有危險。不過Tony就笑言若帶她去怕會成為男士公敵。問到他可會向公司推薦高Ling做拍檔？他指不是不想帶對方去，但要等公司決定。說到若兩人拍旅遊節目，可以着泳裝，Tony自嘲身形麻麻，要給他少少時間操練，或等他唔做幕前可以一脫。

劉穎鏇（Tiffany）以一身空姐造型現身，她表示很開心能扮演空姐，因為之前好鍾意睇劇集《衝上雲霄》，都有幻想過會否有機會扮空姐，不過因為要着空姐制服，所以都要控制飲食。Tiffany指細個曾考慮過做空姐，但自己唔鍾意坐飛機，因為好怕遇上氣流。她又笑言之前見到其他真的空姐時，都有融入其中的感覺。