香港文匯報訊（記者 梁靜儀）黎燕珊、焦媛與李龍基前晚（17日）到高山劇院欣賞陳培甡、鄧有銀主演的粵劇《李後主》。

近日正積極為11月演出的舞台劇《雷雨》排練的黎燕珊，開心表示因要穿旗袍演出，已成功減掉了15磅，她說：「減肥對我嚟講真係好大挑戰，之前囝囝叫我戒澱粉質，我怕唔食飯會暈，所以我用168減肥，目標再多減兩三磅。」

她又透露指今次飾演性格敢愛敢恨，風韻猶存的二太太，這是她未演過的，她又多謝羅冠蘭老師的指導，她說：「佢好嚴格，（有冇畀佢鬧？）冇，佢超級好人。」她謂今次會演出7場，門票差不多售罄，所以辛苦減肥及排練也是值得。前晚同場還有演出舞台劇經驗豐富的焦媛，黎燕珊趁機向對方請教。焦媛着她做回自己就可以了。

焦媛表示近日同時為兩套舞台劇排練，其中一套是下月演出的鬼喜劇，另外一套是在內地巡迴演出的《金鎖記》，她笑說：「因為呢套係悲劇，另一套係喜鬧劇，搞到個人精神分裂，每日既開心又苦情。」

72歲的李龍基將於12月與女友結婚，他表示日子仍未落實，但婚禮一切從簡：「我同女友都鍾意低調，只係好簡單地簽字，唔會有接新娘同擺酒，只係會同最親近嘅親友食飯，（但你本身好多朋友？）我唔擺酒都係因為呢個原因，怕掛萬漏一就唔好啦。」

問到事前會否Keep Fit作準備？他說：「唔使，我一向有做運動，冇乜特別要操弗，到時開開心心同化個靚妝就得。」基哥又稱本身喜歡粉紅色，所以髮色照舊。

另外，他透露下月會演出粵劇，要學很多粵劇腔口及細節，幸好自小在父親耳濡目染下，對粵劇也略懂一二。