香港文匯報訊（記者 梁靜儀）無綫公布上周（9月11日至9月17日）收視，《你好，我的大夫》最高收視22點（141萬觀眾）；周日晚由李思捷主持及監製的《思家大戰》最高收視23.1點（149萬觀眾），高踞周末收視榜首，歌唱真人騷《中年好聲音2》最高收視22.1點（142萬觀眾）。

無綫歌唱真人騷《中年好聲音2》前晚（17日）播出的第二集，共有24位選手登場，當中一共誕生兩位5燈選手。劉可贏5燈竟話感冒狀態差，陳俞霏大膽改編獲讚犀利。

第一位5燈選手是36歲的劉可，他挑戰女歌男唱，獻唱莫文蔚的《他不愛我》，憑獨特的唱法贏得評審一致好評，惟他獲得5燈後看似心事重重，周國豐笑言：「佢係唯一一個拎咗5燈都好似冇事發生咁，好似仲唔開心過我哋。」劉可即皺着眉解釋：「因為前幾日感冒，又有啲咳……」肥媽聞言激動彈起身說：「你𠵱家咩意思，畀成5盞燈你，你話自己狀態好差？」陳慧嫻則笑言：「我覺得你好似飲醉。」引得全場大笑。

第二位5燈選手是35歲的陳俞霏，以一頭粉紫色短髮示人，稱是音樂搬運工的她選唱歌曲是《拒絕再玩》，更親自為歌曲重新編曲，其充滿個性的演出最終獲得5燈佳績，伍仲衡說：「玉置浩二嘅Melody你都夠膽改，你真係犀利！」陳慧嫻大讚：「你個Rhythm好出、好Groovy，我自己都一路聽一路喺度Un。」

林潔淇坎坷際遇惹肥媽爆喊

獻唱《舊夢不須記》的林潔淇雖然只獲1燈成績，但她背後的故事卻十分感人。現年60歲的林潔淇是一名退休人士，亦是一名乳癌康復者，她說：「乳癌之後做6個大手術，𠵱家有11科要覆診，我係一個長期病患者，但我都好堅強，好想話畀同路人知道，病咗都可以有精彩人生。」除了患過大病，林潔淇的人生經歷同樣十分坎坷，她說：「最傷心嘅事，係我個囡囡喺2個半月大時，畀保姆虐待致命，呢件事纏繞咗我兩年。」豈料壞事接二連三，後來輪到細女，婚姻亦破裂：「佢個姑姐抱住佢衝去露台想掟佢落街，當時我用盡全身力量攬住佢衝出門口。人生係好多經歷，當時我係冇晒錢，之後我好努力工作，捱大咗我個女兒，𠵱家個女鼓勵我參加比賽。」經歷人生種種，林潔淇全靠音樂治療心靈。

眼淺的肥媽和車婉婉感動到爆喊，肥媽更哽咽解釋做「一燈大師」的原因：「好多人問我點解成日都畀燈，能夠企得上《中年》100強唔係一件容易嘅事，撳一撳燈亦唔係好難，我覺得每一個能夠企到上嚟，係值得我哋畀一盞燈嘅。」