香港文匯報訊（記者 梁靜儀）林夏薇（薇薇）與周嘉洛主演的新劇《寵愛Pet Pet》前晚播映，劇中薇薇有一幕爬水渠的戲份，講到這個場口，她笑言印象深刻：「因為要喺幾層樓高嘅外層爬，感覺好真實，最大難度係天氣好炎熱，仲要吊威吔着住好多層衫，當時有少少中暑嘅感覺，好彩現場嘅武指好貼心，見到我暈暈哋就攞汽水畀我飲，好感動。」薇薇自言好鍾意吊威吔，但就少機會拍打戲，對上一次已是 2013 年的《寒山潛龍》。
提到與周嘉洛合作，兩人在劇中更會譜出姊弟戀，薇薇坦言曾嫌嘉洛太細個：「第一次同嘉洛合作，開始時唔知對手係佢，後尾知道係佢之後即刻諗：『吓，咁細個？得唔得㗎？』而我現實中冇接觸過姊弟戀，拍攝時同佢都有諗過大家點樣夾會好啲，一開工就覺得默契幾好，佢係一個好靈活嘅創作型藝人。」
劇中飾演薇薇舊愛的招浩明，不單為劇集借出「仔仔」Romeo，還會在劇中一展所長表演魔術，第一集他便為嘉洛擔任魔術「替手」及化身蒙面人表演馴犬魔術。
自小熱愛魔術的招浩明，由 6 歲開始學習魔術，曾參加不少國際大型魔術比賽並屢獲殊榮，去年在才藝比拚節目《全城一叮》中大顯身手，表演神級變牌魔術和危險度爆錶的火魔術。浩明笑言今次在劇中玩魔術難度再高一級：「劇入面除咗擔任狗仔動作指導同埋自己本身何家豪嘅角色外，仲可以參與埋魔術指導真係好開心好榮幸，要特別多謝監製 Andy 嘅信任。因為要兼顧狗仔同魔術指導，喺場口嘅設計上要同導演一齊花心思令畫面更豐富，亦都要諗辦法引到狗狗嘅注意。」
評論