陳柏宇容許女兒反叛學反思

香港文匯報訊（記者 梁靜儀）陳柏宇（Jason）與陳子豐合作主持的ViuTV全新節目《返學啦老豆》將於下星期一（19號）播映，昨日二人出席記者會分享拍攝的難忘經驗。

Jason與陳子豐兩位爸爸化身「小學雞」，到訪學校進行「試堂體驗」，切身感受現今香港小學生的學習環境和教學模式，為仔女升學做好準備！

片段中Jason上堂時更偷食，談到回歸校園體驗「小學雞」生活 ，Jason笑言贊成小朋友挑戰底線：「小朋友反叛係正常，大女都經常挑戰我底線，我就要畀個適當反應佢，我目標唔係要小朋友聽話，係要佢學識去思考， 當然自己仍然學習中。」他又稱對大女越來越有耐性及好脾氣，不過他笑言好脾氣只限於對家人。

育有兩名女兒的他，表示吸收了湊大女的經驗，現時湊細女都不會那麼緊張， 只求她兩歲前生存到便可以：「 以前大女一喊就抱，現在細女喊會讓佢喊到收聲， 只要佢唔係喊到冇氣就得。」