劉沛蘅魏浚笙再合作　諗定組合名叫「番薯花」

（香港文匯報記者 子棠）劉沛蘅（Hillary）和魏浚笙（Jeffrey）相隔兩個月後再獲國際護膚品牌La Mer邀請合作拍攝全新廣告；這對拍擋合作無間的默契加上古靈精怪的互動，深得廣告商及一眾新生代粉絲喜愛。今次在拍攝過程中，二人亦盡顯默契，事緣其中一個鏡頭是Jeffrey不斷炫技的躲避Hillary搶走其手上的產品，卻意外撞到旁邊的層架，頂層數支產品應聲倒下，差點釀成「意外」，幸好Hillary反應夠敏捷接住，二人當堂嚇到個心離一離。

Jeffrey更指希望可以跟Hillary以拍檔形式在不同範疇合作，建議嘗試一齊拍時裝廣告；Hillary 亦想法一致:「我哋每次見面都會分享時尚資訊，因為大家都鍾意行街買嘢，拍飲品食品都唔錯，因為我哋都超級鍾意食嘢。如果要為這個組合建立一個新名字，可以叫『番薯花』，一講番薯就會諗起Jeffrey，花就會諗起我，我上網查過，真係有番薯花呢個品種，淡淡嘅紫色同白色， 都係我哋鍾意嘅顏色。」

Jeffrey一直工作不斷，剛剛新戲剎科，接着就要拍攝廣告，翌日隨即更要搭長途機出埠，最近又與鄭秀文（Sammi）合唱《致我們的夢想》，首次唱Rap的他得到外界一致好評。問他會否亮相Sammi七月的演唱會，Jeffrey正經說: 「好開心可以同到 Sammi 姐姐合作，亦都嘗試咗從來未試過嘅領域，就係Rap，至於演唱會，希望有機會，就算冇，我都一定會入場支持。」至於 Hillary 會否效法 Jeffrey 加入樂壇，她坦言機會較微:「我覺得每一個行業，都要花好長時間去建立，如果要我獨立發展做歌手，未必會，反而如果有人搵我featuring一首歌，我覺得可以嘗試一下。」